Кукмарада “Кайда үлем белән сату иткәннәрен хәбәр ит!” дигән акция башлана

14 марттан 25 мартка кадәр "Кайда үлем белән сату иткәннәрен хәбәр ит!" дигән ведомствоара Бөтенроссия наркотикларга каршы акциянең беренче этабы үткәрелә. Аның максаты - наркотикларның законсыз әйләнешенә һәм медицина максатыннан тыш кулланышына каршы торуга киң җәмәгатьчелекне тарту, наркотикларның килү каналларын ябу, җитештерү, сату һәм куллануны пропагандалаучы затларны һәм Интернет-сайтларны ачыклау, шулай ук яшүсмерләрне җинаятьчел эшчәнлеккә җәлеп итүчеләргә чик кую.
Район эчке эшләр бүлегенең 02, 2-70-80 ышаныч телефоннарына шалтыратып, түбәндәге мәгълүматларны җиткерергә мөмкин:
- наркотикларны куллану, тарату-сатуны пропагандалауга кагылышлы сайтлар турында; наркотикка бәйлелекне дәвалау һәм тернәкләндерү; наркотик һәм психотроп матдәләрне сату фактлары; наркотикларның законсыз әйләнеше турындагы законнарны камилләштерү буенча тәкъдимнәр белән; "ак үлем"нең яңа төрләре хакында.
Анонимлык һәм сер саклау гарантияләнә.