Кукмарада бер көн эчендә алты авария булган

Район юл хәрәкәте иминлеге дәүләт инспекциясеннән алынган мәгълүматларга караганда, Кукмарада 5 июль көнне алты юл фаҗигасе теркәлгән.

10.05 сәгатьтә Кукмара-Мамадыш юлының Өлге авылы тирәсендә ВАЗ-211340 белән Ока автомобиле бәрелешә. Нәтиҗәдә Ока шоферы, 36 яшьлек гүзәл зат тән җәрәхәтләре ала.

11.15 сәгатьтә поселокның Гагарин урамында, мәчет тирәсендә, мотоцикл юл читенә төшеп каплана.

13.13 сәгатьтә Адай авылында ВАЗ-2106 автомобиле каршылыкка килеп керә. Зыян күрүчеләр юк.

Юлларда һәркемнең игътибарлы һәм сак булуын сорыйбыз.

фото: http://sitv.ru/arhiv/news/incidents/56494/