Кукмара полициясе тиз арада телефон карагын тапкан

Район эчке эшләр бүлегенә Кукмарада яшәүчедән гариза керде, дип хәбәр итә http://kukmor-ovd.ru сайты. 15 августта, 15.00-18.00 сәгатьләрдә, билгесез зат бикләнмичә калган өйгә үтеп керә һәм аннан яшерен рәвештә өч кәрәзле телефон урлый. Полиция хезмәткәрләре кыска вакыт эчендә каракның эзенә төшәләр. Карак берничә тапкыр хөкем ителгән Кукмара кешесе булып чыга. Аннан урланган телефоннар алына һәм хуҗасына тапшырыла.

Әлеге җинаять хуҗа кешенең өй ишеген ачык калдыруы нәтиҗәсендә килеп чыга. Полиция хезмәткәрләре гариза бирүче белән дә кисәтү әңгәмәсе уздыралар.

фото: http://yandex.ru/clck/jsredir?from=yandex.ru%3Bimages%2Fsearch%3Bimages%3B%3B&text=&