Кукмара полициясе сувенир итекләргә зыян салучыларны эзли
4 ноябрьдә район Эчке эшләр бүлегенең дежур частенә Җиңү Паркы каршындагы мәйданга урнаштырылган сувенир итекләрнең бер өлешендә утлары янмау турында хәбәр алына.
-Күзәтү камерасының язмаларыннан билгеле булганча, "Я люблю Кукмор" дигән арт-объект янына куелган әлеге итекләргә 30 октябрьдә, кичке сәгать җиделәрдән соң зыян салына. Өч яшүсмер сувенир итекләргә типкәлиләр, утларын өзәләр. Бүгенге көндә тикшерү, әлеге егетләрнең кем булуларын ачыклау эшләре бара, - дип хәбәр итте район Эчке эшләр бүлеге начальнигы Рамил Нургалиев. - Бәлки, район халкы арасында аларны күрүчеләр булгандыр, кичекмәстән полициягә хәбәр итсәгез иде. Булган матурлыкны юкка чыгарырга теләүчеләр үз җәзаларын алырга тиеш.
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев