Иске Юмьяда яшәүче Ираида һәм Анатолий Рамазановларга уллары хезмәт итүче хәрби частьтән Рәхмәт хаты килде (фото)

Иске Юмьяда яшәүче Ираида һәм Анатолий Рамазановларның уллары Александр Екатеринбургта хәрби хезмәт уза. Райондашыбыз Җиңү көнендә хәрби парадта катнашканы өчен Россия оборона министрлыгының медале белән дә бүләкләнгән. Шушы көннәрдә Рамазановларга уллары хезмәт итүче частьнең командирыннан Рәхмәт хаты килгән.

-Сезнең улыгыз намуслы, тәртипле егет. Ул тапшырылган һәр йөкләмәне җиренә җиткереп үти, подразделениенең җәмәгать тормышында да актив катнаша. Александр үзенең тырышлыгы, үрнәк хезмәте белән командирлар һәм дусларының хөрмәтен яулады. Алга таба да улыгыз үрнәк булыр, хәрби бурычын тиешенчә үтәр дип ышанабыз, - диелгән хатта.