Татарстанлылар февральдә өч көн ял итәчәк

Татарстанлылар февральдә өч көн ял итәчәк. Бу хакта  Татарстан Хезмәт, халыкны эш белән тәэмин итү һәм социаль яклау министрлыгында хәбәр иттеләр, дип яза «Татар-информ» МА.

«Россия Хезмәт кодексының 112 маддәсе буенча 23 февраль — Ватанны саклаучылар көне эш көне булмаган бәйрәм көне булып санала. Россия Хөкүмәтенең „2021 елда ялларны күчерү турында“гы карары буенча ял көне 20 февраль, шимбәдән 22 февральгә, дүшәмбегә күчерелә», — диделәр министрлыгында.

Шулай итеп, 21, 22 һәм 23 февраль ял көннәре булачак. Республикада яшәүчеләрне алты көнлек эш атнасы көтә. 20 февральдә эш көне бер сәгатькә кыскартылачак. 

Фото: Эльвира Мөбарәкшина/ «Хезмәт даны»