Кукмаралылар бүген Ватан Геройлары көнен билгеләп үтә

9 декабрь - Россиядә Ватан Геройлары көне буларак билгеләнеп үтә. Советлар Союзы һәм Социалистик хезмәт геройлары исемнәренә лаек булучылар арасында якташларыбыз да бар.

Кукмара төбәге Советлар Союзы Герое исеменә лаек булган Әхтәмов Сабир Әхтәм улы, Заһидуллин Фәхретдин Гыйльметдин улы, Воробьев Петр Егорович, Газизуллин Ибраһим Галим улы, Савин Николай Семенович кебек каһарман уллары белән хаклы рәвештә горурлана.

Тыныч тормыштагы фидакарь хезмәтләре өчен Социалистик Хезмәт Герое исеме бирелгән Зарипов Рим Ибраһим улы, Шакиров Камил Фаяз улы, Мауликов Вазыйх Салих улы, Козлов Леонид Николаевич, Идрисов Гыйльметдин Гайфетдин улы, Захаров Сергей Александрович, Җиһаншин Әхмәтша Җиһанша улы - халык хөрмәтен яулаган шәхесләр.