Кукмара районы башлыгы махсус хәрби операциядә катнашучы солдатларга гуманитар ярдәм озата барды

Кукмара районы башлыгы Сергей Димитриев «Сугышчан кардәшлек» оешмасы вәкилләре белән бергә махсус хәрби операциядә катнашучы солдатлар яныннан кайтты. Алар анда якташлары белән очраштылар һәм хәрбиләргә чираттагы гуманитар ярдәм партиясен, адреслы посылкаларны тапшырдылар.

«Солдатлар күрсәткән ярдәм өчен һәркемгә дә чын күңелдән рәхмәт сүзләре җиткерделәр. „Җиңү безнең кулда булачак!“ — ди егетләр. Кукмара районында һәр оешма, һәр авыл җирлеге, битараф булмаган күп кенә кешеләр махсус хәрби операциядә катнашучыларга ярдәм кулы сузалар. Бу ярдәм Җиңүгә кадәр дәвам итәчәк! Горурланабыз! Җиңү белән көтәбез!» — диде район башлыгы.