Кукмара районы башлыгы махсус хәрби операция зонасыннан ялга кайткан егетләр белән очрашты

Бүген район башлыгы Сергей Димитриев махсус хәрби операция зонасыннан вакытлыча ялга кайткан якташларыбыз, аларның якыннары белән очрашты, хәл-әхвәлләрен белеште, рәхмәт сүзләрен ирештерде.

Хәрбиләр, аларның якыннары үзләрен борчыган сорауларны бирделәр. Сергей Димитриев бер мөрәҗәгатьнең дә игътибарсыз калмаячагын билгеләп үтте. Шулай ук очрашуда хәрбиләргә түләнә торган махсус пособиеләр, гаиләләренә күрсәтелүче ярдәм чаралары, районнан җибәрелүче гуманитар ярдәм турында да фикер алышынды. Егетләр күрсәткән ярдәмнәре һәм теләктәшлек өчен райондашларга рәхмәт сүзләрен ирештерделәр.

Якташларга Җиңү белән исән-имин кайтырга Ходай насыйп итсен!

Фото: Алсу Сәләхетдинова/ «Хезмәт даны»