Казанда узган халыкара саммитта Кукмара балалар музыка мәктәбе укытучысы катнашты (фото)

Казан дәүләт мәдәният институтында уку йортына нигез салынуның 50 еллыгына багышланган мәдәният һәм мәгариф буенча халыкара саммит, фәнни-гамәли конференция булып узды.

Чарада Кукмара балалар музыка мәктәбе укытучысы Нияз Кәримуллин да катнашты. Әлеге саммит җыентыгында аның “Татарстан Республикасы Кукмара районы этносларының мәдәниятара хезмәттәшлеге: тарих һәм хәзерге заман” мәкаләсе бастырылды һәм ул сертификат белән бүләкләнде. Шулай ук Нияз Муса Җәлил исемендәге опера һәм балет театрында Казан дәүләт мәдәният институтының 50 еллык юбилей концертында чыгыш ясады.