Бәйрәмне ничек каршыларга?

Ул –  тынычлык яратучы һәм сабыр, диелә Көнчыгыш календаренда, шуңа да ел тыныч узар дип көтелә.
Яңа елны каршылаганда көрән, соры, алтынсу, сары, кызгылт-сарыкөмеш, аксылкөрән, кофе төсендәге киемнәр кияргә киңәш ителә. 

Астрологлар табынны мулдан әзерләргә куша, чөнки кабан тәмле ризык ярата, матур итеп бизәлгән өстәлне хөрмәтли.  Бәйрәм табынында кайнар аш, итле ризыклар, салатлар, гөмбәле һәм чикләвекле кабымлыклар, икра белән бутербродлар, десертлар, мандарин һәм әфлисун хуплана. Ә менә дуңгыз ите, фастфуд, ярымфабрикатлар Яңа ел өстәлендә гомумән булырга тиеш түгел, хәтта тортны да үзең пешерергә кирәк. 

Ел хуҗасы гүзәл затларны яратканга күрә, хатын-кызларга бәйрәмгә әзерлек вакытында артык көч түкмәскә мөмкин. Күпчелек мәшәкатьне ир-атларга тапшыру хәерле. Ризык артык катлаулы, күп чыгымнар таләп итүче булмасын. Ел символы үпкәләмәсен өчен, гади рецептларга тукталу яхшырак.