Узган ел Кукмара районына без - Татарстан Фәннәр академиясенең Г.Ибраһимов исемендәге Тел, әдәбият һәм сәнгать институты галимнәре һәм хезмәткәрләре - фәнни экспедициягә чыккан идек. Ике атна дәвамында районның күп кенә авылларында булып өлгердек. Безнең максат бу төбәктә яшәүче халыкның тел үзенчәлекләрен, мәдәниятен, тарихын, тормыш-көнкүрешен, иҗатын, гореф-гадәтләрен, сәнгатен өйрәнү булды.