Сөт җитештерү буенча алдынгылар рәтен Кукмара районы җитәкли

Сөт җитештерү буенча алдынгылар рәтен Кукмара районы җитәкли, 21 майда авыл хуҗалыгы оешмаларында һәм фермер хуҗалыкларында 222 тонна сөт савылган.

(Казан, 22 май, "Татар-информ"). Татарстанда 21 майда, гомумән алганда, 3652 тонна сөт савылган. Бу 2016 елның шушы көненә карата 105% тәшкил итә, дип хәбәр җиткерә Татарстан Авыл хуҗалыгы һәм азык-төлек министрлыгы матбугат хезмәте.

Сөт җитештерү буенча алдынгылар рәтен Кукмара районы җитәкли, 21 майда авыл хуҗалыгы оешмаларында һәм фермер хуҗалыкларында 222 тонна сөт савылган (116%). 2 нче урында - Балтач районы - 202,8 тонна сөт (107%), 3 нче урында - Әтнә районы - 190 тонна (117%).

Сөт җитештерү күләмен 5 процентка һәм аннан да күбрәккә арттырган районнар арасында: Зәй (119%), Биектау (112%), Сарман (111%), Балык Бистәсе (110%), Аксубай (109%), Мамадыш, Әгерҗе (108әр%), Теләче, Нурлат (107шәр%), Саба, Актаныш, Азнакай, Алабуга, Тәтеш һәм Спас (105әр%) районнары.

Бер сыердан көнлек уртача иң күп савым Әтнә муниципаль районында - 26,8 кг. Кукмара районында - бер сыердан уртача 21,3 кг сөт, Саба районында - 21,2 кг.