Районда язгы чәчү исә 51363 гектарда башкарылачак

Быел 16275 гектарда күпьеллык үләннәрне, 6872 гектарда уҗым культураларын тырмалау һәм өстәмә тукландыру бурычы тора. Язгы чәчү исә 51363 гектарда башкарылачак, шуның 26917 гектарында бөртекле культуралар игеләчәк. Хуҗалыкларга язгы чәчүгә барлыгы 7800 тонна орлык кирәк. Күп хуҗалыкларда чәчүлек материал яңартылып, югары сыйфатлы орлыклар алынды. Хәзерге вакытта орлыкларны чистарту һәм җылыту эшләре бара. Районның кайбер хуҗалыкларында язгы кыр эшләре башланып китте, дип хәбәр итте район авыл хуҗалыгы һәм азык-төлек идарәсенең баш агрономы Илдар Габбасов.

фото: Александр Эшкинин