Кукмараның «Уңыш» җәмгыятендә авыл хуҗалыгы семинары узды
Ул җир эшкәртү, кукуруз үстерү, аны тиешенчә җыеп алу һәм терлекчелектәге мәсьәләләргә караган иде.
«Уңыш» җәмгыятендә авыл хуҗалыгы семинары узды. Ул җир эшкәртү, кукуруз үстерү, аны тиешенчә җыеп алу һәм терлекчелектәге мәсьәләләргә караган иде.
Очрашу хуҗалык басуында башланып китте. Анда җир эшкәртү техникасын карадылар, кукуруз сортларының өстенлекләре турында сөйләштеләр.
«„Уңыш“ җәмгыятенең 5812 гектар сөрүлек җирләре бар. Шуның 51 процентын — бөртеклеләр, калганын азык культуралары һәм 8 процентын парга калдырылган җирләр алып тора», — дип сөйләде хуҗалык җитәкчесе Раил Галимуллин.
Бүгенге көндә иң җаваплы эш — игеннәрне тиешенчә җыеп алу. Хәзерге вакытта «Уңыш»та бөртеклеләрнең бер гектарыннан уртача 46,2 центнер уңыш чыга. Урып-җыю ахырына әлеге сан 55 центнерга җитәр дип торалар. Шул ук вакытта хуҗалыкта терлек азыгы хәзерләү эшләре дә бара.
Күпьеллык үләннәрнең өченче катыннан сенаж салалар. Шул ук вакытта игеннәрдән бушап калган мәйданнарны эшкәртеп баралар.
фото: Ризилә Корбанова/ «Кукмор-информ»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Галерея
Оставляйте реакции
Нет комментариев