Зарипова Фирая Зариф кызының туган көне!

Зур Кукмара авылында яшәүче Зарипова Фирая Зариф кызы бүген үзенең күркәм юбилеен каршы ала. 

Күп еллар дәвамында авыл мәктәбендә химия-биология фәнен укыткан апабыз төпле белем генә биреп калмыйча, бик күпләрне бакча серләренә дә өйрәтте. Әти-әниебез бакыйлыкка күчкәч, ул, Дамира апа белән берлектә алар урынына калып, авыр вакытларыбызда безгә ярдәм итеп яшәде. Барысы өчен дә зур рәхмәт. 

Фирая апабыз, сиңа киләчәктә дә нык сәламәтлек, күңел көрлеге, озын гомер телибез. 

Абыем Илгиз гаиләсе һәм үземнең гаилә исеменнән сеңлең Минсирень.