Насыйров Айрат Хәким улына 50 яшь!

Манзарас авылында яшәп, олы хөрмәткә лаек булган, РОВДда кадрлар бүлеген җитәкләгән, подполковник, дөньядагы иң газиз кешебез, улыбыз Насыйров Айрат Хәким улына 18 мартта 50 яшь тулды.

Олы җанлы, киң күңелле Айратыбыз! Сине чын күңелебездән  юбилеең белән котлыйбыз. Һәр туар таңың шатлык белән атсын. Сәламәтлегең нык, көннәрең кояшлы, бәхетләрең мул булсын. Гаилә  тигезлеге, күңел тынычлыгы, киләчәктә дә Ләйсән белән пар канатлар булып, балаларыңның игелеген күреп, туганнарыңның, якыннарыңның кадер-хөрмәтенә төренеп, башкарган хезмәтләреңнең рәхәтен күреп, куанычлар белән гомер кичерүеңне телибез.

Әти-әниең, Альфред-Лилия, Эльвира, Әдилә, Альбина, Земфира.