Тутырылган помидор

Помидорның өстен кисеп эчен аласы. Помидор йомшагын, майонез һәм сарымсакны блендер белән болгатып соус ясарга.
6 помидор өчен эчлек: 300 грамм фарш, 1 стакан дөге, 2 суган, 3 тырнак сарымсак, 2 аш кашыгы майонез, чама белән тоз, борыч, каты сыр..
Эш барышы: дөгене бүрттерергә, фарш һәм суганны кыздырып алырга. Барлык ингредиентларны кушып болгатырга һәм помидор эченә тутырырга. Мичтә 10 минут пешерергә.
Табынга соус салып бирергә. Ашларыгыз тәмле булсын!

http://intertat.ru