Куллар өчен кремны үзебез ясыйбыз

Организмда ниндидер матдәләр җитмәүдән, физик эштән соң яисә башка сәбәпләр аркасында кул тиресе еш корылана. Нинди генә крем сөртсәң дә, нәтиҗәсе икенче эшкә тотынганчы гына. Әлеге катнашманы ясап кулланып карагыз әле.

1 аш кашыгы кипкән ромашкага ярты стакан кайнар су салып, төнәтергә куярга. Кайнар сулы савытка утыртылган стаканга башта 50 грамм сыер мае, 1 аш кашыгы кастор мае, ярты чәй калагы глицерин салып, 2-3 минут җылытабыз. Әзер төнәтмә белән майны кушабыз, 1 аш кашыгы камфора спирты өстибез дә суынганчы болгатабыз.