Кукмарада кайбер шоферлар тизлек режимын бөтенләй сакламый

Кукмара поселогының Муса Җәлил урамына асфальт җәелүе сөенечле хәл булды. Тик шунысы бар: урам тар, тротуарлар юк, ә машиналар күп йөри. Кайчак ике яклатып киләләр. Руль артындагыларның кайберләре тизлек режимын саклауга бөтенләй игътибар итми: юл шома булгач, куалар гына машиналарын. Ә бит бу урамнан көн саен күпме балалар йөри: 1нче гимназиягә, мәктәптән тыш эшләр үзәгенә, музыка мәктәбенә... Шулай итеп, укучыларның тормышлары куркыныч астына куела. Машина йөртүчеләр тизлекләрен арттырмасыннар өчен нинди дә булса чара күрелсен, махсус билге куелсын иде.

Газета укучы