Бозылган торт бәйрәмнең ямен бозды

Кукмараның үзәгендә урнашкан, үзебез гел кереп йөри торган кибетләрнең берсеннән оныкның туган көненә торт сатып алдык. Бәясе 300 сумнан артык, бер дә очсыз димәс идем. Әмма хикмәт бәядә түгел, күчтәнәчкә дип алган тортыбыз бозылган булып чыкты. Балалар, туганнар алдында уңайсыз хәлгә калдык. Югыйсә, куллану вакыты да чыкмаган иде. Аңлашылмый, тортларның куллану вакыты биш көн диләр, шул арада бозылганмы? Әмма ничек кенә булса да, күңелдә үпкә калды, кибет хуҗалары, сатучылар үз товарларын тәкъдим иткәндә игътибарлырак булсыннар иде.