Яңа Каенсар авылының “ашыгыч ярдәме” ул Галина Расова

Авыл фельдшеры. Шушы ике сүзгә никадәр көч, хезмәт, йокысыз төннәр, кеше сәламәтлеге өчен борчылу сыя. Авыл фельдшеры сине тыңлый, кирәк чакта юата белә, аңа сереңне дә чишәсең, борчыган соравыңа җавап алып тынычланасың да. Яңа Каенсар авылының "ашыгыч ярдәме" булган Галина Расовага да хас, аның холкына туры килә торган сыйфатлар бу. Инде 37 ел дәвамында авылдашлары белән бер дулкында яши, эшли Галина ханым.

Үзе әйтмешли, ерак - 1974 елның март аенда туган авылына фельдшер дипломы алып кайта ул. Кемгәдер охшарга тырышып, аның хезмәтенә кызыгып та фельдшер булырга карар кылмый. Сәбәбе бик гади: туган авылыннан аерыласы килми. Шуңа күрә, Можга шәһәрендәге шәфкать туташлары әзерли торган училищега укырга кергәннән соң, Алабугага - фельдшерлар әзерли торганына күчә. Ә авылда исә дипломлы Галинаны кочак җәеп каршы алалар.

Эшли башлавының дүртенче көнендә үк яшь белгечкә беренче чирканчык алырга туры килә: бер хатын-кыз өендә бала таба.

Язманы тулысынча "Хезмәт даны" газетасыннан укый аласыз.