Кукмарада юл фаҗигасе: зыян күрүче бар (фото)

Бүген, 22 сентябрьдә, Кукмара-Шәмәрдән юлының 16нчы чакрымында юл фаҗигасе була. Район юл хәрәкәте иминлеге дәүләт инспекциясеннән алынган мәгълүматларга караганда, "ОКА" автомобиле шоферы - 1992 елгы хатын-кыз, руль белән идарә итүен югалта һәм автомобиль юл читенә төшеп каплана. Шофер зыян күрә, ул Арча үзәк дәваханәсенә җибәрелә. Хәзерге вакытта тикшерү эшләре бара.

Юлларда һәркем сак һәм игътибарлы булсын, юл йөрү кагыйдәләрен төгәл үтәсен иде. Газиз кешеләребезне, якыннарыбызны хәсрәт утына сала күрмик.

Фотолар фаҗига урыныннан, ЮХИДИдән алынды.