Кукмарада юл фаҗигасе: чит ил автомобиле елгага төшкән (фотолар)

Район юл хәрәкәте иминлеге дәүләт инспекциясеннән алынган мәгълүматларга караганда, бүген, 29 ноябрьдә, иртәнге сәгать 07.30 тирәсендә Кукмара-Шәмәрдән-Янсыбы-Зур Сәрдек-Тырыш юлының беренче чакрымында юл фаҗигасе була. Кукмара ягыннан Зур Сәрдек авылы ягына баручы чит ил автомобиле шоферы - 1980 елгы гүзәл зат һава торышы шартларын исәпкә алмыйча тиешле тизлекне сакламавы нәтиҗәсендә руль белән идарә итүен югалта һәм юл читенә төшеп каплана. Хәзерге вакытта тикшерү эшләре бара.

Юл һәлакәтендә шофер зыян күрә, район үзәк дәваханәсенә җибәрелә.

Фотолар фаҗига урыныннан, ЮХИДИдән алынды