Кукмарада “Тоннель” операциясе барышында исерек шофер тоткарланган

22 октябрьдә сәгать 15.00-17.00дә Кукмараның Муса Җәлил урамы, 20нче йорт янында “Тоннель” операциясе узды. Аның барышында юл йөрү кагыйдәләрен бозган өчен 15 шоферга административ беркетмә төзелде. Укылмый торган, пычрак номер белән йөргән өчен – ике, тышкы яктылык приборларыннан файдалану кагыйдәләрен бозган, техник яктан төзексез автомобильдә хәрәкәт иткән өчен – берәр, иминлек каешы куймаган өчен өч кеше штрафка тартылган, исерткеч эчемлекләр куллану билгеләре булган бер шофер ачыкланган, бер транспорт чарасы махсус тукталышка куелган. Шулай ук юл йөрү кагыйдәләрен бозган биш җәяүлегә дә беркетмә төзелгән.