Зур Сәрдек авылында яшәүче Мансур Шәфигуллин 90 яшьлек юбилеен билгеләп үтте

Зур Сәрдек авылында яшәүче Шәфигуллин Мансур Гыйбадулла улы 90 яшьлек юбилеен билгеләп үтте. 

Аны юбилее белән котларга район башлыгы урынбасары Резеда Гаянова, социаль яклау идарәсе җитәкчесе Регина Мусина, Зур Сәрдек авыл җирлегеннән Эльвина Галимуллина килде. Аңа Кукмара  районы башлыгы Сергей Димитриевның Рәхмәт хаты һәм истәлек бүләкләре тапшырылды. 

Мансур абый тормыш иптәше Хәтимә апа белән 5 балага гомер биргән гаилә. 2 кыз, 3 ул үстергәннәр. Бүгенге көндә 7 оныгы, 6 оныкчыгына куанып, кече улы Зөфәр тәрбиясендә яши.

 Гомер юлын машина йөртүче булып башлаган. 10 ел Зур Сәрдек мәктәбендә техник хезмәткәр вазыйфасын үтәгән ул.