Юлларның аерым участокларында бозлавык барлыкка килергә мөмкин, дип өстәделәр метеорологлар.
Татарстанда октябрь башыннан һава шартларының сизелерлек начараюы, температура фонының сизелерлек түбәнәюе көтелә. Бу хакта ТР Гидрометеорология үзәге хәбәр итә, дип яза «Татар-информ» МА.
1 октябрьдә урыны белән республика буенча, Казанны да кертеп, төнге һәм иртәнге сәгатьләрдә томан төшәчәк. Төбәкнең көнчыгышында һавада һәм туфракта −2 градуска кадәр кату фаразлана. Моннан тыш, тәүлекнең якты вакытында көчле җил булуы ихтимал.
2 октябрьдә термометр баганалары 0..+2 градуска кадәр төшәчәк, ә урыны белән һавада һәм туфракта −2 градуска кадәр дә көтелә. Көндез Татарстанда һава +3...+8 градустан артык җылынмаячак. Кайбер урыннарда яңгыр һәм юеш кар явачак.
3 һәм 4 октябрьдә республиканың күпчелек территориясендә юеш кар һәм яңгыр явуы фаразлана. Төнлә температура +2 дән −3 градуска кадәр булачак. Шимбә көндез +2...+5 градуска кадәр генә җылыта, якшәмбе көндез +3...+8 градуска кадәр. 5 октябрьдә көнчыгыш циклонның Татарстанда һава торышына йогынтысы акрынлап кими башлаячак. Аз явым-төшем ТРның көнчыгышында гына сакланачак. Караңгы вакытта 0...-5 градуска кадәр көтелә, әмма көндез +6...+11 градуска кадәр җылына.
Фото: «Кукмор-информ»
Нет комментариев