Бәйрәм уңаеннан редакция хезмәткәрләреннән блиц-интервью

Бәйрәмебез хөрмәтенә аз гына “пәрдәбезне” ачып, газетабызның әлеге битләрен үзебезгә багышладык. “Кукмор-информ” хезмәткәрләре түбәндәге сорауларга җаваплар бирде:
 
1.Кулыңа “алтын” балык эләксә нишләр, аннан нинди теләкләреңне үтәвен сорар идең?
2.Күңел төшенкелегеннән ничек котыласың ?
3.Иң яратмаган эшең?
 
Эльвира МИННӘХМӘТОВА, баш мөхәррир: 
1. “Алтын” балыктан балаларыма бәхет сорар идем. Ата-ананың бәхете – балаларның бәхетендә. 
2. Машинама утырам да, магнитофондагы музыканы көчәйтеп, бер йөреп кайтам. 
3. Кер үтүкләргә яратмыйм. Шуңа күрә кием алганда сайлап, карап алам. 
 
Лилия НУРГАЛИЕВА, баш мөхәррир урынбасары: 
1.Табигатьнең һәр ел фасылы үзенә хас булып, күңелдә рәхәт, матур итеп яши торган тойгылар гына уятсын иде. 
2. Күңелемнән үз-үзем белән сөйләшә башлыйм. Мине бу халәткә нәрсә китергәнен ачыкларга, анализларга тырышам.
3. Юрган тышы киертү. 
 
Алсу СӘЛӘХЕТ­ДИНОВА, мөхәррир: 
1. Кармагыма “алтын” балык эләксә, күңелдән генә теләкләремне барлап, балыкны кире суга җибәрер идем. Иң зур теләкләрем: якыннарымның исән-сау булуы, ил-көннәрнең тынычлыгы.
2. Улым Кәрим белән аралашу булыша: аның белән башкарылган гади генә эшләр дә күңелгә тынычлык бирә. 
3. Буяу эшләрен. 
 
Лариса МАЛОВА, корректор: 
1. “Алтын” балыктан ил-көне­безгә тынычлык сорар идем.
2. Тормышта нинди генә хәл булуга карамастан, күңел төшен­келегенә бирелмәскә тырышам.
3. Яшь барган саен эш сайлап торып булмый, барысын да яратырга туры килә. 
 
Валентина МАМАЕВА, баш хисапчы: 
1. Илгә тынычлык теләр идем, бар кешегә – сәламәтлек. 
2. Нәрсәдер эшлим. 
3. Ашарга пешерү.
 
Алсу ГАТАУЛЛИНА, тәрҗемәче:
1. Әкиятләргә ышанмыйм.
2. Һәрнәрсәгә юмор хисе аша карыйм. 
3. Күп инде алар... Әйтик, кеше белән тарткалашу.
 
Ризилә КОРБАНОВА, мөхәррир: 
1. “Алтын” балыктан бөтен кешегә дә сәламәтлек сорар идем.   
2. Тормышта төрле хәлләр булырга мөмкин, әмма шөкер итә белергә кирәк. 
3. Кечкенәдән бәрәңге чүбе утарга яратмыйм.  
 
Эльвира САТТАРОВА, баш мөхәррир урынбасары: 
1. Кире җибәрер идем. Ни өченме? Чөнки бар нәрсәгә үзеңә ирешергә кирәк.  
2. Музыка тың­лыйм, медитация ясыйм, урамга чыгып йөрим. Барысы да узачак, димен. “Мин бу турыда иртәгә уйлаячакмын”, – дигән фикер ошый.  
3. Нәтиҗәсе булмаган эш, русча итеп әйтсәк: “мартышкин труд”. 
 
 Светлана АФАНАСЬЕВА, реклама буенча белгеч:
1. Үземә, балама – сәламәтлек. 
2. Ялгызлыкта үз уйларым белән генә калам. Һәм шунысы бик мөһим: бу вакытта миңа фәкать үз өемдә булу кирәк.
3. Табак-савыт юу.
 
Гөлия НИГЪ­МӘ­ТУЛ­ЛИНА, СММ-мөхәррир:
1. Авыр сорау. Берәр нәрсә сорар идем әле, барыбер. Әйтик, күңелемдәге кешегә әйтми торган теләкләрне. 
2. Якыннарым, гаиләм, тормыш иптәшем белән белән аралашып. Аллаһка мең шөкер: өч кызым – өч бәхетем.
3. Кәеф булганда бар эшне дә яратам. 
 
Йолдыз НИЗАМИЕВА, сайт мөхәррире: 
1.Илдә тынычлык урнаштыруын сорар идем. Бөтен кеше рәхәт итеп яшәсен, авырмасын, чирләр булмасын иде. 
2. Әнигә видео­элемтәдән шалтыратам да, рәхәт булып китә. Әмма аңа үземне борчыган әйберне әйтмим.
 3. Кешегә эш кушу. Иң яхшысы – аны үзең тотып эшләү.  
 
Регина ФОКИНА, дубляж буенча мөхәррир: 
1. Махсус хәрби операциянең тизрәк тәмамлануын сорар идем. 
2. Бар дөньямны онытып, сүзләрен, көен җаным-тәнем аша үткәреп, музыка тыңлап ятам.
3.Ашарга әзерләү. 
 
Миләүшә САБИРОВА, телевидение корреспонденты:  
1. Туганнарыма – сәламәтлек, күңел тынычлыгы, гаилә бәхете.
2. Кинофильм карыйм, китап укыйм. 
3. Йокыдан торгач, һич кенә дә урын-җирне җыештырасы килми.
 
Лилия ГАРИФУЛЛИНА, коммерция директоры:
1.    Барыбызга да тыныч, имин тормыш. 
2.    Миндә күңел төшенкелеге булганы юк.  
3.    Балаларның ак носкиларын юу.
 
Йолдыз ГЫЙМАДИЕВА, корреспондент: 
1. Сәламәтлек, ил-көнгә тынычлык, гаилә иминлеге сорар идем. 
2. Күңел төшенкелегенә бирелә башласам, бар нәрсәне Аллаһы Тәгаләгә тапшырам. 
3.Сәламәт булып эшләргә язсын, бар эшне дә яратам. 
 
Людмила БЕКЧЕН­ТЕЕВА, мө­хәррир: 
1. Дәвалап булмый торган авырулар булмасын иде. 
2. Өй җыештыра башлыйм.
3. Савыт-саба юу.
 
Ленар ШӘЙДУЛЛИН, дизайнер-газета верст­калаучы:
1. Тыныч күк йөзе һәм нык сәламәтлек. 
2. Йоклыйм.
3. Эшсез тик утыру.   
 
Марат САБИРҖАНОВ, телевидение операторы, монтажер:
1. Кире суга җибәрер идем. 
2. Берүзем калам. 
3. Түләнелми торган эш. 
 
Эльвира ИВАНОВА, сайт мөхәррире (декрет ялында):
1. Үземә, якыннарыма ныклы сәламәтлек, эш булып торуын, тагын бала алып кайту. 
2.Конфет белән чәй эчәм. 
3. Тегү, бәйләү.
 
Лилия МАТВЕЕВА, телевидение корреспонденты: 
1.Ул хакта бөтенләй дә уйлаганым юк.
2. Өй җыеш­тыра башлыйм, идән юам, тузан сөртәм.  
3. Андый әйбер юк.
 
Руслан МИННЕМУЛЛИН, радионың тавыш режиссеры:
1. “Алтын” балыктан өч теләк сорасаң ярыймы? Беренчесе – сәламәтлек, икенчесе – матди яктан тотрык­лылык, өченчесе – сер булып калсын. 
2. Күңеле яхшы булган, позитив кеше белән аралашам. 
3. Өй җыештыру.
 
Адилә САБИР­ҖАНОВА, телевидение корреспонденты (декрет ялында):
1. Сәламәтлек, бәхет, күп итеп акча. 
2.  Кеше белән сөйләшмәскә тырышам.
3.  Бәрәңге чүпләү. 
 
Марат ГАЛИМ­ҖАНОВ, машина йөртүче: 
1. Әти-әнигә, якыннарыма - сәламәтлек.
2. Урамга чыгып китәм.
3.  Төзелеш вакытында кул белән фундамент казу.
 
Алсу ГАЯЗЕТДИНОВА, радио корреспонденты:
1. “Алтын” балыкны кире җибәрер идем, чөнки ул минем теләкләремне үти алмаячак. 
2. Матур җыр тыңлыйм, яхшы күңелле кешеләр белән аралашам.
3. Яратмаган эшем юк.