Балыклы үзешчәннәре спектакль куйды

Балыклы авылы үзешчәннәре "Гармун белән скрипкә" спектакле белән Балыклы - Олыяз авылы халкына чын бәйрәм ясады. Өч көндә тупланган 26 мең сум акча бу төбәктә яшәүче авыруларга хәйрия ярдәме буларак бирелгән. Спектакльне сәхнәләштерүче Олыяз урта мәктәбе педагог-оештыручысы Багавиева Айсылу Мансур кызы. Айсылу ханым туплаган театраль төркемдә авыл җирлеге башлыгы, почта бүлеге җитәкчесе, тракторчы, дуңгыз караучы, автослесарь һәм башкалар бар. Тамашачылар спектакльне бик җылы, яратып кабул итеп, кабат куюны сорый. Артистларга "АФӘРИН, егеләр-кызлар" диясе кала.

Элек Галиәскәр Камал театрында директор урынбасары булган, бүгенге көндә татар конгресссында эшләүче якташлары Сәрия Зиннәтова аларга: "Казанга барып куярлыгыгыз бар", - дип бәя бирә.