Шәһәр эчендәге юлларны төзекләндерүгә зур игътибар биреләчәк

-Район башлыгы Сергей Димитриев юллар мәсьәләсе буенча берничә тапкыр республика Президентына мөрәҗәгать иткән иде, өстәмә 26 миллион сум акча бүленәчәк, дигән шатлыклы хәбәр алдык, - ди шәһәр башкарма комитеты җитәкчесе Райнур Нотфуллин. - Акчалар күчүгә Кукмараның Южный микрорайонындагы берничә урамга вак таш түшәләчәк. Яңа урамнар да читтә калмаячак, программалар буенча аларда да юл төзекләндерү эшләре башкарылачак, асфальтлар яңартылачак.