Кукмарада өч балалар бакчасы төзекләндерелә

Кукмара районының Вахит авылында һәм шәһәрнең "Салават күпере", "Кыңгырау" балалар бакчаларында капиталь төзекләндерү эшләре бара.

-Биналарның түбәләре, ишек-тәрәзәләре алыштырылды, су, канализация, җылылык системасы, электр челтәре тулысынча яңартылды, бүлмәләрдә косметик ремонтлар ясалды. Шулай ук шәһәребезнең һәм авыллардагы калган балалар бакчаларында да 1 сентябрьдә балаларны кабул итү өчен зур тырышлык куйдылар, - дип хәбәр итте район мәгариф идарәсе белгече Нурия Хаҗиева. - Нырья авылында быел 50 урынга исәпләнгән балалар бакчасы сафка басачак. Төзелеш эшләрен "Строй-Гарант" оешмасы хезмәткәрләре башкара. Эш фронты инде ахырына якынлашып килә.