Күппрофильле лицейда август киңәшмәсе уза

Бүген Кукмараның күппрофильле лицее базасында мәгариф хезмәткәрләренең традицион август киңәшмәсе уза. Әлеге чарада район башлыгы Сергей Димитриев, район башлыгы урынбасары Равия Каримуллина, район Башкарма комитеты җитәкчесе Азат Гарифуллин, район мәгариф идарәсе җитәкчесе Роберт Мансуров һәм башкалар катнаша. Конференциядә район башлыгы Сергей Димитриев Зур Кукмара һәм Нырья урта мәктәпләре директорларына тантаналы рәвештә мәктәп автобуслары ачкычларын тапшырды. Мәктәп территориясендә шулай ук укучыларның техник һәм башка төр иҗатта ирешелгән уңышларын чагылдырган күргәзмә дә оештырылган.