Гимназиянең "Яшь коткаручылар"ы Мамадыштан өченче урын белән кайтты (фотолар)

Кукмара беренче гимназиясенең Фәрхәт Гыйлаев җитәкчелегендәге "Яшь коткаручылар" берләшмәсе "Гомумхәрби саклагыч комплект кию", "Төз ату" бәйгеләрендә - беренче, "Визит карточкасы", Ватан тарихы белән бәйле интеллектуаль конкурста - икенче,"Тигез сафта йөрү", "Автомат сүтеп-җыю"да өченче урыннарын алды. Шәхси зачетта турникта күтәрелүдә Алмаз Әхмәтҗанов - беренче, "Гомумхәрби саклагыч комплект кию" бәйгесендә Нәфис Хәйруллин һәм Ильяс Мөхәмитовлар беренче, өченче урыннарын яуладылар. Гомумкоманда зачетында команда өченче урынга чыкты, Кубок һәм Диломнар белән бүләкләнде, дип хәбәр иттеләр район Мәктәптән тыш эшләр үзәгеннән.