Татарстанда тәүлек эчендә коронавирус йоктыруның 52 яңа очрагы расланган

Татарстанда соңгы тәүлектә Covid-19 белән зарарлануның 52 яңа очрагы ачыкланган. Бу хакта коронавирус буенча оператив штаб хәбәр итә, дип яза «Татар-информ». 

13 кеше дәваханәгә салынган, 39ы җиңел яки симптомсыз формада өйләрендә дәвалана. 

Яңа инфекцияле кешеләр күбрәк Казанда теркәлгән - 23. Чаллыда – 15, Түбән Кама һәм Яшел Үзән районнарында – өчәр, Чүпрәле районында – 2, Әтнә, Буа, Биектау, Лаеш, Менделеевск, Тукай районнарында берәр очрак ачыкланган.

фото: «Татар-информ»