Зур Кукмара клубында Фәүзия Бәйрәмованың "Ана" китабы тәкъдир ителде (+Фото)

Кукмара туган төбәкне өйрәнү музее, Кукмара үзәк китапханәсе һәм Зур Кукмара авылы мәдәният йорты коллективы белән берлектә язучы-тарихчы Фәүзия Бәйрәмованың "АНА" китабын тәкъдир итү кичәсе уздырды. Китап кыргыз язучысы Чыңгыз Айтматовның әнисе Нәгыймә ханымга багышланган. Кичә барышында һәвәскәр артистлар Рәсимә Минхаҗева, Әмир Әгълиев, Руслан Нәбиевлар башкаруында Чыңгыз Айтматовның "Маңкорт" әсәреннән театральләштерелгән өзек тамашачыга җиткерелде. Музей директоры Дәүләтшина Ләбүдә Әхмәтфида кызы Айтматов гаиләсе турында гына түгел, Үтәмешевләр нәселе турында да тетрәндергеч истәлекләр сөйләде. Кичә Фәүзия Бәйрәмованың китап язу дәверендә узган сикәлтәле юллары турындагы кичерешләре белән беррәттән, җыр-моң белән үрелеп барды.