Ядегәрдә су җитми

Ядегәрдә су җитмәү проблемасы белән көрәшүнең төрле юлларын эзлиләр. Җирлек башлыгы Наил Кашапов хәбәр итүенчә, авыл җирлеге хезмәткәрләре халык арасына аңлату эшләре белән чыкканнар. "Көнарлаш хуҗалыкларга йөрибез. Су тамган урыннарда краннарны алмаштырабыз. Инде башняның да су килү биеклеген үзгәрттек. Күп кенә кешеләрнең бакчаларына көне буе су агызып торуларына юлыгабыз. Андый гаиләләр белән аңлату эшләре алып барабыз. Кайбер йортларга юыну, ашарга пешерү өчен дә су килми. Табигатьнең әлеге байлыгын халык исраф итмичә куллансын иде", - диде ул.

фото: http://gorod48.mygorod48.ru/news/36411/comments/