Вахиттә Ләбибә һәм Рәкыйп Нигъмәтуллиннарның Алтын туй бәйрәме үткәрелде

Вахит мәдәният йортында авылның үрнәк пары - Ләбибә һәм Рәкыйп Нигъмәтуллиннарның Алтын туй бәйрәме үткәрелгән. Гаилә башлыгы озак еллар комбайнда эшләп, алдынгылар сафында барган, тормыш иптәше мәктәптә укыткан. Өч ул, бер кыз үстергәннәр, аларга яхшы тәрбия-белем биргәннәр. Унбер оныклары бар. Бу күркәм парны хуҗалык җитәкчесе Нәфыйк Хөсәенов, авыл җирлеге башлыгы Илгизәр Корбанов, Янил мәктәбе коллективы, Ләбибә ханымның укучылары, мәдәният хезмәткәрләре, туганнары, күршеләре котлады, дип хәбәр итте район Мәдәният йорты методисты Фәрзия Салләмова.