Вахит клубында “Балкыш” республика фестиваленең зона туры узачак

Ветераннар арасында "Балкыш" республика фестивален уздыру соңгы елларда аеруча матур традициягә әйләнде. Быел ул дүртенче тапкыр оештырыла. Бәйгенең зона туры 22 сентябрьдә Кукмара районында узачак. Анда Кукмара, Әгерҗе, Балтач, Мамадыш, Питрәч, Саба, Теләче районнарыннан килгән ветераннарның чыгыш ясавы көтелә. Фестивальдә Кукмара районыннан 50гә якын өлкән үзешчән артистыбыз - "Наза", "Сүнмәс дәрт" фольклор ансамбльләре катнашачак, "Гармунчы булсын ярым" композициясе тәкъдим ителәчәк.

Конкурс Вахит авылы мәдәният йортында сәгать 10.00да башлана.