Туембаш мәктәбендә капиталь ремонт ахырына якынлаша

Район советы рәисе урынбасары Равия Кәримуллина җитәкчелегендәге комиссия Туембаш, Күкшел авыллары җирлекләрендәге балаларга белем һәм тәрбия бирү учреждениеләренең һәм башка социаль объектларның торышын тикшерде. Туембаш мәктәбендә капиталь ремонт эшләре ахырына якынлаша. Бүгенге көндә төзүчеләр бинаның эчке ягында бизәү эшләре, тышкы яктан стенаны металлосайдинг белән тышлау белән мәшгуль. Берүк вакытта мәктәп территориясен төзелеш калдыкларыннан чистарту, төзекләндерү, койма белән әйләндереп алу бара.

фото: http://ntrtv.ru/7189-nizhnekamskie-shkoly-poluchat-na-remont-200-mln-rubley.html