Татарстан синоптиклары буран һәм көчле җил турында кисәтә

Татарстан синоптиклары һава торышы бозылуы турында кисәтә, дип яза Татар-информ.

Төнлә һәм 26 февраль көнне иртән республика буенча урыны белән, шул исәптән Казанда да, көньяк-көнбатыш һәм көнбатыш җилнең көчәюе көтелә. Аның тизлеге 15 м/с кадәр җитәчәк (Татарстан Республикасы башкаласында җилнең көчле булу ихтималы аз). Бураннар күз күремен 1-2 км кадәр киметәчәк.

Юлларда урыны белән көчле бозлавык хасыйл булачак, дип хәбәр итәләр Татарстанның Гидрометеорология һәм әйләнә-тирә мохитне күзәтү идарәсендә.