21 февраль – халыкара туган тел көне

Янил авыл китапханәсендә 21 февраль - халыкара туган тел көне уңаеннан "Туган телем- газиз телем" исеме астында КВН үткәрелде. Кичәдә 4 сыйныф укучылары катнашты.Укучылар ике командага бүленеп көч сынаштылар. КВН Туган телгә- ана телебезгә мәхәббәт тәрбияләү, халкыбызның бай, рухи мирасын барлау максатыннан үткәрелде. Балалар бу кичәдә телебезнең байлыгын, кыйммәтен, матурлыгын, сүзләргә бай булуын белделәр.Туган тел турында әйтемнәр, мәкальләр табышмаклар әйтелде.Шигырьләр сөйләнде. Укучылар үзләренә бик күп файдалы мәгълүматлар алып киттеләр. . Бәйрәмебезне йомгаклаганда, балалар бергәләп бөек татар шагыйре Габдулла Тукайның «И, туган тел!» җыры белән кичәбезне тәмамладылар..Бу кичә балаларга бик ошады.