Сазтамак балалар бакчасында Тукай бәйрәме узды (фото)

Сазтамак авылы балалар бакчасында Габдулла Тукайның тууына 130 ел тулу уңаеннан "Тукай безнең күңелләрдә" дип исемләнгән бәйрәм иртәсе үткәрелде. Әлеге иртәдә Байлангар авылы китапханәчесе Хисматова Венера Хантимеровна һәм Нормабаш авылы клубы мөдире Файзриева Вафирә Гафуровна катнашты. Венера Хантимеровна слайдлар ярдәмендә балаларны Г.Тукайның кыскача биографиясе, иҗаты белән таныштырды. Балалар бик теләп үзләре өйрәнгән шигырьләрне сөйләделәр, әкиятләрне сәхнәләштерделәр. Г.Тукай сүзләренә язылган җырлар тыңладылар. Бәйрәм иртәсе Габдулла Тукайның "И, туган тел" дип исемләнгән җыры белән тәмамланды.

Тәрбияче: Доминова Г.Ф.