Район пенсия фондының хисап җыелышы узды

Район пенсия фондының узган елгы эш нәтиҗәләренә һәм 2017 елда эшчәнлегенең төп юнәлешләренә багышланган хисап җыелышы булды. Анда Татарстан буенча пенсия фондының идарәсе җитәкчесе Ирина Мелентьева катнашты һәм коллективның эшчәнлегенә уңай бәя бирде. Кукмара пенсия фонды идарәсе начальнигы урынбасары Зөһрә Нәбиеваның чыгышыннан күренгәнчә, узган ел районда түләнгән пенсияләрнең, пособиеләрнең, социаль түләүләрнең гомуми суммасы 2 миллиард 291 миллион сум тәшкил иткән. Барлыгы 511 миллион сумлык иминият кертемнәре җыелган, бу 2015 ел белән чагыштырганда 48 миллион сумга күбрәк.