Мөмкинлекләре чикләнгән балалар өчен һәрдаим экскурсияләр оештырыла

Үзәк хезмәткәрләре тарафыннан мөмкинлекләре чикләнгән балалар өчен поселоктагы социаль әһәмияткә ия урыннар - балалар китапханәсе, туган якны өйрәнү музее, Җиңү паркы һәм башка җирләргә әледән-әле экскурсияләр оештырыла. Аның чираттагысы халыкны эш белән тәэмин итү үзәгендә булды. Ул 14-17 яшьлек яшүсмерләр өчен һөнәри ориентациягә багышланган иде. Инвалид балалар һөнәр сайлаганда аеруча ярдәмгә мохтаҗ. Экскурсияне балалар өчен үзәк директоры Әсхәт Җиһаншин үткәрде, ул аларны үзәкнең эшчәнлеге белән таныштырды. Очрашу барышында балалар үзләре өчен файдалы киңәшләр алдылар, һөнәри юнәлешкә бәйле тест уздылар.

фото: http://aleks-teremok.ucoz.ru/photo/ehkskursija_v_biblioteku_2013_2014/ehkskursija_v_biblioteku/35-0-649