Өлкәннәр декадасы бара

Хөрмәтле ветераннар!

Өлкән буын күпне күрде, аларга сугыш ачысын татырга, җиңүдән соң илне төзекләндерүдә зур көч түгеп эшләргә туры килде. Ачлыкны, ялангачлыкны, хокуксызлыкны үз башларыннан кичерделәр. Шулай да күңел көрлеген югалтмадылар. Ветераннарга актив тормыш алып бару хас. Тынгысыз җаннар әле дә җәмгыятьнең төрле өлкәләрендә уңышлы эшләүләрен дәвам итәләр, яшь буынны тәрбияләүдә зур өлеш кертәләр. Гомерләрен тырыш хезмәттә үткәргән, күп авырлыклар кичергән ветераннарыбызның һәркайсына тыныч, имин тормыш, нык сәламәтлек, озын гомер телим. Беребезгә дә мохтаҗлык кичерергә язмасын. Дәүләтебез ярдәмен тоеп алган пенсияләребезнең игелеген күреп яшәсәк иде.

Мияссәр МАНСУРОВ,

район ветераннар (пенсионерлар) Советы рәисе