Кукмаралылар “Ак калфак” оешмасының төбәкара форумында катнашты

Нократ Аланы шәһәренең "Спутник" мәдәният сараенда Бөтендөнья Татар конгрессы каршында оешкан "Ак калфак" оешмасының төбәкара форумы узды. Әлеге чара "Дуслык" газетасы журналисты Шәмсия Хәлимованың "Хатын-кызның җәмгыятьтә тоткан урыны" дигән чыгышы белән башланды. Районыбызның баш табиб урынбасары Рашат Җиһаншин сәламәт яшәү рәвеше турында сөйләде. Калфаклар, чигүле күкрәкчәләр, сөлгеләр, тастымаллар, намазлыклар форумның бизәге булды. Гомумән, бу чара үзара фикер алышу, борчыган темалар турында җыелып сөйләшү рәвешендә барды, дип җиткерде безгә даими хәбәрчебез Рафилә Фәттахова.