Кукмарада сайлучыларның 97,44 проценты үз тавышын Рөстәм Миңнеханов өчен биргән

Кукмара районы территориаль сайлау комиссиясеннән алынган мәгълүматлар буенча кичә районда 71 сайлау участогы эшләде. Сайлауда барлык сайлаучыларның 95,55 проценты үз тавышын бирде. Шул исәптән, сайлаучыларның 97,44 проценты Рөстәм Миңнехановка, 0,62 проценты Рушания Билгильдеевага, 1,68 проценты Хафиз Миргалимовка, 0,26 проценты Руслан Йосыповка ышаныч белдерде.

-Гомумән алганда, районда сайлаулар тыныч, бердәм рәвештә үтте. Гадәттән тыш хәлләр, тәртип бозулар күзәтелмәде. Сайлау участокларында бәйрәм рухы хөкем сөрде, - дип хәбәр итте район территориаль сайлау комиссиясе рәисе Марсель Төхбәтуллин.

фото: http://yandex.ru/clck/jsredir?from=yandex.ru%3Bimages%2Fsearch%3Bimages%3B%3B&text=&etext=811.qAPHkam7-