Кукмарада бер ир кеше янып үлгән

Кичә, 10 апрельдә, кичке сәгать тугызлар тирәсендә поселокның Ворошилов урамындагы беренче номерлы йортта янгын чыга. Янгын сүндерүчеләр килеп җиткәндә йортның беренче фатирының оялдысы һәм түбәсе яна иде. Янгын тиз арада сүндерелде, оялдыннан ир кеше мәете табылды. Әлеге йортта беркем дә яшәми, барысы да күченеп беткәннәр. Хәзерге вакытта янгын чыгуның сәбәпләрен һәм әлеге ир кешенең ни өчен оялдында булуын ачыклау буенча эш бара, дип хәбәр итте Кукмара янгын күзәтчелегенең өлкән тикшерүчесе Эльбрус Әхмәтҗанов.