Кукмарада бер хуҗалыкның мунчасы янган (фото)

Кукмара янгын-коткару частеннән алынган мәгълүматларга караганда, 3 февральдә кичке сәгать 19.30 тирәсендә поселокның Гагарин урамындагы хуҗалыкларның берсенең мунчасында янгын чыга. Нәтиҗәдә 9 квадрат метр мәйданда мунчаны эчтән тышлаган такталар янып бетә. Торак йорт һәм якындагы корылмаларга зыян килми. Хуҗалыкка килгән зыян 10 мең сумлык дип исәпләнә.

Янгын мичтән файдаланганда янгын куркынычсызлыгы кагыйдәләрен бозу нәтиҗәсендә чыккан дип фаразлана. Тикшерү эшләре бара.

Фото Кукмара янгын-коткару частеннән алынды