Кукмарада 10-12 градус җылы һәм яңгыр явуы көтелә

Җылы, кояшлы көннәргә шулкадәр ияләнеп беттек ки, сентябрь уртасы җитүгә карамастан, һаман да һава температурасы күтәрелер, дип көтәбез. Әмма көзнең дә үз кануннары. Шул арада яңгыр пыскаклый, шул арада ялтырап кояш чыга. Бүген исә Кукмарада көн буе диярлек яңгыр сибәләде. Синоптиклардан алынган мәгълүматларга караганда, иртәгә - 19 сентябрьдә дә яңгыр явуы ихтимал. Һава температурасы түбәнәя - җылылык 10 градуска кадәр төшә. Атмосфера басымы 756 мм. терекөмеш баганасын тәшкил итә.

фото: http://anne-d-autriche.livejournal.com/145002.html